Hvað er að ?????

Fólk lætur eins og hér sé um kött að ræða.   Það er verið að tala um fullvaxinn ísbjörn... HALLÓ

Ef dýrið hefði horfið inn í þokuna og týnst .... hver veit hvar það hefði komið fram næst, kannski á leikskólanum á Skagaströnd.

Er fólk orðið svo gjörsamlaga rammvillt í umhverfisfasismanum að það getur ekki séð hlutina í samhengi.   Hvernig haldið það að börnum á svæðinu hefði liðið vitandi af 700kg ísbirni á ráfi?  

Á þessu svæði er bæði sauðfé með lömb, og hestar með folöld, en það skiptir kannski engu máli þó að lífviðurværi sveitavargsins sé í hættu bara ef liðið í sófunum fyrir sunnan með umhverfisvitundina á hreinu getur sofið rótt.

kræst.........

Deyfilyf ekki til í landinu

Athugasemdir

[Þráinn Maríus (IP-tala skráð) 3.6.2008 kl. 13:15]

heyr heyr!!!!!!!!!

[Davíð Arnar (IP-tala skráð) 3.6.2008 kl. 13:46]

Já heldurðu að ísbjörninn hafi horfið inn í þokuna og svo bara labbað út úr þokunni stuttu seinna beint inn á leikskóla án þess að nokkur yrði hans var fyrst? Ég sé þarna á myndinni standa allavega 5 menn með byssur og hlakkar í þeim að hafa fengið að skjóta björninn í fótinn (þrefalt húrra fyrir þeim sem hitti hann í löppina). Það hefði nú kannski verið hægt að fá einn þessara mann til að standa vörð við leikskólann á sauðarkróki ef ske kynni að ísbjörninn skyldi labba út úr þokunni beint inn á róluvöllinn. Í alvöru talað, ef hann hefði horfið inn í þokuna hefði ekki verið stórmál að hafa eftirlit með að hann stefndi ekki byggð í hættu, og það hefði ekki tekið langan tíma að finna hann aftur. Og lögreglan hefði átt að passa upp á að fólk væri ekki að stoppa þarna til að skoða hann. Það var það eina hættulega sem var í gangi þarna.

[G. Valdimar Valdemarsson, 3.6.2008 kl. 13:52]

Mímir var á staðnum og er miklu betri en lögreglan í því að meta stöðuna.  Tala nú ekki um að grípa til nauðsynlegra varúðar ráðstafana og svo kann hann svo vel að fylgjast með rándýrum í þoku........

Hversvegna eigum við ekki fleiri svona snillinga?

[Baldvin Kristjánsson, 3.6.2008 kl. 13:58]

Einfaldlega rangt sem haft er frammi af ráðherra og þín skrif þykir mér vitlaus.

ég vinn sem fararstjóri í leiðöngrum á ísbjarnaslóðum, m.a. á sjókajak, og m.a. á Svalbarða.

Bý á Grænlandi.

Á Svalbarða - þar sem ég fékk t.d. ísbjörn í heimsókn sl. sumar, gilda mjög strangar reglur um ísbirni. Ráðist ísbjörn að þér máttu fella hann í sjálfsvörn - innan 20 metra, svo fremi þú getir sýnt fram á að þú hafir áður beytt fælingaraðferðum og þekktum varúðaraðferðum.

Strangar reglur gilda um hvernig umgengni ferðamanna og vísindamanna eru í sambandi við matargerð og fl. úti á mörkinni. M.a. kemur lögregla og líffræðingur frá sýslumanni í heimsókn í allar tjaldbúðir, hvar sem þær eru, til að fylgja þessu eftir.

Þurfir þú að fella ísbjörn, er það rannsakað sem lögreglumál. Ef það sýnir sig að þú hafir sýnt ógát, eða fellt björninn utan 20 metra - eða hafir ekki reynt að fæla hann í burtu, eða fara sjálfur, lendir þú í slæmum málum og stórri sekt. Slík var t.d. niðurstaðan fyrir 2-3 árum. Þetta þekkja allir sem vinna á Svalbarða og mikil aðgæsla höfð í þessum málum. Eins koma reglulega upp að þurft hafi að fella ísbjörn í nauðvörn, samkv. ofantöldu, og lítið við því að segja.

Ég hef áður fengið nokkra ísbirni í heimsókn og eins þurft að afstýra hættulegum aðstæðum.

Hér á Grænlandi eru líka reglur um þetta, þó ekki þær sömu og á Svalbarða.

Ég held ég teljist seint með liðinu í sófanum fyrir sunnan og slík upphróp öllu því duglega, upplýsta fólki á landsbyggðinni til minnkunar að bera "þessa tvo hópa" svona saman.

Synd að löggan kunni ekki að fara með svona aðstæður, vona að það hafi ekki ráðið för að þarna hafi framsóknamenn tekið í gikkinn.

[G. Valdimar Valdemarsson, 3.6.2008 kl. 14:04]

Litlu lömbin og folöldin í Skagafirði hafa auðvitað lært allar reglurnar um það hvernig á að umgangast ísbirni  á Svalbarða.  Þau hefðu bara getað lent í lögreglumáli ef þau hefðu ekki fylgt reglunum þegar og ef ísbjörninn birtist á svæðinu.

Baldvin Svalbarði og Skagafjörður eru bara sitthvað og að ætla að bera það saman... ja þú sagðir að mín skrif væru vitlaus ég veit ekki hvaða orð á nota um þennan samanburð þinn.

nú segi ég  Djjíiisúúússs  kkkrrrææsstt

[Baldvin Kristjánsson, 3.6.2008 kl. 14:09]

Tja, heldur ekki ísbirnir á Svalbarða.

Reglurnar gilda nú fyrst og fremst um þann sem tekur í gikkinn.

[G. Valdimar Valdemarsson, 3.6.2008 kl. 14:10]

góður !!!!

[Baldvin Kristjánsson, 3.6.2008 kl. 14:16]

Það er mikil reynsla og þekkin hjá Norðmönnum um ísbjarnastofninn, sú mesta um ísbjarnastofnana tvo hér í norðurhöfum.

Greinilegt af fjölmiðlum að íslensk yfirvöld hafi ekki haft fyrir því að kynna sér þær, þrátt fyrir að bera ábyrgð á stofnum villidýra á - og við landið. Ísbirnir tilheyra stofnum við landið.

Reynslan - sem er fengin af umgengni mannsins við villta stofna á Svalbarða, þar sem ekki fyrir löngu síðan var gríðarleg rányrkja, hefur orðið til þess að búið er að snúa við blaðinu á Svalbarða.

Þar drepast t.d. ekki lengur túristar í ísbjarnakjafti lengur, eins og gerðist fyrir nokkrum árum.

Ofsalega margt hægt að gera til að afstýra vitlausum (í merkingunni "ekki hugsuð") drápum.

Á Grænlandi er mun lengra milli bæja (og deyfilyfja) - og hér á suður Grænlandi ráfa ísbirnir árlega inn á sveitabæi, banka jafnvel upp á eins og einn gerði sl. vetur.

Þessu hafa íslendingar ekki lært neitt af og skjóta - af því bara...

Þetta heitir í minni orðabók vitlaust. hugsunarlaust, óupplýst, heimskt (í merkingunni "ekki farið út fyrir sína heimahaga").

hvað sem þínum trúarjátningum líður.

[G. Valdimar Valdemarsson, 3.6.2008 kl. 14:25]

Baldvin ég er fæddur og uppalinn á Skaga,  í mínu ungdæmi gekk ísbjörn á land á svæðinu og man ég vel þær hugsanir sem fóru um mig ungan dreng sem lék sér í snjónum.   Það mótar mína skoðun á þessu máli en ekki sú trú sem ég var skýrður til eða sá flokkur sem ég starfa í.    Ég veit ekki hvort þú hefur séð t.d. mynd á eyjan.is sem sýnir veðrið á svæðinu eins og það er núna en ég skil vel að þeir sem bera ábyrgð á öryggi almennings á svæðinu hafi ekki verið tilbúnir að týna einu stykki ísbirni í þokunni.    

Að bera saman Svalbarða, suður Grænland og Skagafjörð er í besta falli hlægilegt í þessu samhengi.    Það er ekki að ástæðulausu að ísbirnir eru ekki friðaðir ef þeir ganga hér á land.  

[Baldvin Kristjánsson, 3.6.2008 kl. 14:31]

Þeir eru friðaðir altso.

[Baldvin Kristjánsson, 3.6.2008 kl. 14:37]

Man ekki betur en að lögum var breytt eftir að björninn var hengdur fyrir vestan í kringum '95.

En kannski er það vitleysa hjá mér.

Ég hef líka verið við að pissa í buxurnar þegar bjössi hefur urrað á mig (hefur gerst nokkrum sinnum, og lifa þó allir enn eftir því sem ég best veit), og líka þegar rostungurinn reyndi að sökkva mér fyrir 3 árum.

Það gefur mér samt ekki leyfi til að kynna mér ekki hvað hægt er að gera til að þurfa ekki að drepa dýrið.

Á Svalbarða og Grænlandi hafa yfirvöld þó haft fyrir því að læra hvað hægt er að gera. Ekki Íslendingar.

Hver er munurinn á Suður Grænlandi og Skagafirði?

[G. Valdimar Valdemarsson, 3.6.2008 kl. 14:39]

Nú þá veist þú betur en bæði ég og prófessorinn.

sjá: http://www.mbl.is/mm/frettir/innlent/2008/06/03/logregla_a_slodum_isbjarnarins/

[G. Valdimar Valdemarsson, 3.6.2008 kl. 14:46]

Munur á suður Grænlandi og Skagafirði er t.d. að Skagafjörðurinn er mun þéttbýlli en Suður Grænland.    Í Skagafirði er einnig mun meira af búfé sem gengur sjálfala um heiðar og tún og ekki er ætlað sem ísbjarnarfóður.  

Skagfirðingar eru líka óvanir því að umgangast ísbirni og ekki með leiðbeiningar á hreinu um það hvernig ber að umgangast þá.   Kannski er rétt að taka upp kennslu í umgegni við ísbirni í grunnskólum á norðanverðu landinu.... hver veit.

[Baldvin Kristjánsson, 3.6.2008 kl. 14:47]

Takk fyrir ábendinguna, var hálf-vitlaust. Breytingin náði bara til þess að ekki má fella hann að ástæðulausu - og á sjó. Hér var þó etv ástæðulaust dráp, sbr. að yfirvöld hafa ekki haft fyrir því að kynna sér neitt það sem nágrannarnir hafa lært.

Hver er sá munurinn á suður Grænlandi og Skagafirði, sem hlægir þig svo?

(fyrir utan hvernig tekið er á móti ísbjörnum á landi)

[Baldvin Kristjánsson, 3.6.2008 kl. 14:51]

Skagafjörður er ekki þéttbýlli.

Hér bý ég t.d. í 3600 manna bæjarfélagi, og 2 önnur svipuð, ásamt minni bæjum.

Hér er stundaður ágætur landbúnaður, með íslensku sauðfé, í þúsundavís - niður við sjó (þ.e. á ísbjarnaslóðum). Fjöldi býla út um allt suður Grænland.

Bændur hér læra ekki um hvernig eigi að taka á móti ísbjörnum í grunnskóla - þeir læra það þegar þeir verða stórir. Líka löggan. og ríkið. eiginlega allir sem kunna að lesa.

Þú hittir samt á naglann og sýnir að þú ert ekki óvitlaus af framsóknarmanni að vera, og bendir á að bændur hafa ekki á hreinu hvernig beri að umgangast ísbirni. Það er einmitt þess vegna sem ég bendi á að þetta er rangt hjá umhverfisráðherra hvernig standa hefði mátt að þessu.

annað var það ekki. ég hefði aldrei ætlað framsóknarmönnum að leysa úr þessu án aðstoðar :-)

[Davíð Arnar (IP-tala skráð) 3.6.2008 kl. 15:01]

Já takk. Ég velti því líka oft fyrir mér hvers vegna við eigum ekki fleiri svona snillinga...  Ég kann ekkert rosalega vel að fylgjast með rándýrum í þoku (þakka samt hrósið) en ég tel mig þó hafa nógu mikla reynslu af því að eltast við bjarndýr (skógarbirni reyndar) til að vita að bjarndýr hverfi ekki inn í þoku og birtist svo skyndilega á leikskóla án þess að nokkur verði þess var.

Erlendis snýst sambúð með björnum mikið til um að halda mönnum í hæfilegri fjarlægð frá björnunum frekar en öfugt, og að fæla þá ef menn lenda í návígi. Sýnir best fáfræði manna á þessum dýrum hér að það eina sem mönnum dettur í hug er að skjóta hann í staðinn fyrir að halda honum frá fólki, og fólki frá honum, þar til hægt væri að deyfa hann og færa á betri stað. En menn hafa kannski verið orðnir langþreyttir á því að fá ekki að skjóta neitt stærra en rjúpu hérna og drifið sig í að skjóta hann áður en einhverjum dytti í hug einhver leið til að fanga kvikindið lifandi. Þetta fer líka dálítið eftir því með hvaða hugarfarið þú metur ástandið.

En þú veist greinilega ýmislegt um mína reynslu og kunnáttu þegar kemur að villtum dýrum og hlýtur því að hafa eitthvað vit á þessu sjálfur. Hvað hefðir þú svo gert ef þú hefðir metið stöðuna, jafnvel með því hugarfari að þú ætlaðir að reyna að gera það sem þú gætir til að halda dýrinu lifandi?

[G. Valdimar Valdemarsson, 3.6.2008 kl. 15:02]

Stjórnvöld á hverjum stað reyna eftir föngum að tryggja öryggi almennings. Landið er lánað undir erlendan her og sérfræðingar eru í stríðsleik í ráðuneytunum.  

Að fenginni reynslu í dag má leiða að því líkum að það sé meira hætta af komu ísbjarna en hryðjuverkamanna.  Mönnum væri nær að leggja fjármuni í það að draga lærdóm af reynslu annarra í umgengi við ísbirni í stað þess að eltast við ímyndaða hryðjuverkaógn. Viðbrögð og umgegni við ísbirni væri kannski rökrétt fag í lögregluskólanum í stað þess að leika sér þar með sjálfvirk skotvopn.

Ég hef fullan skilning á viðbrögðum Skagfirðinga miðað við efni og aðstæður og það er engin önnur viðmið til, menn bregðast við svona út frá þeirri þekkingu og kunnáttu sem er til staðar á þeim tíma sem vandamálið kemur upp.

Eflaust má af þessu læra og tryggja að menn bregðist betur og öðruvísi við næst.

[Baldvin Kristjánsson, 3.6.2008 kl. 15:09]

Ágætis frétt á Vísi -

http://www.visir.is/article/20080603/FRETTIR01/525944674/0/FRETTIR01

stjórnsýslan sem ber ábyrgð á umgengni við villta stofna er semsagt með þetta í smíðum, eru bara enn að googla linkinn á reglugerðina hjá Sýslumanninum í Longyearbyen.

Ég var eins og áður segir að benda á að þetta er rangt hjá umhverfisráðherra og það kom svo á daginn að þeir vissu betur, voru að vinna í því, tíminn frá '95 er bara svo stuttur.

Menn beita að sjálfsögðu þeim meðölum sem þeir hafa og kunna með að fara, en það gengur ekki að ráðherra fari rangt með hvernig farið er að í svona tilvikum á Svalbarða, sem er það sem hún gerði og í framhaldi þurfa heimamenn svo að gera sitt.

En fínt að sjá að þú ert hættur að ákalla guðina í þessu, hélt þér væri þetta hluti einhverra trúar(við)bragða.

[G. Valdimar Valdemarsson, 3.6.2008 kl. 15:19]

Já ég er ekki oft sammála efnistökum Árna Finnssonar en þarna er ég sammála honum.   Menn brugðust við eins og þeir töldu réttast og best og þeir sem voru á staðnum mátu þetta þannig að rétt væri að fella dýrið.  

Kunnátta og þekking á umgegni við bjarndýr er takmörkuð hér á landi og því fullkomlega eðlilegt að menn grípi til vopna og losi sig við vandamálið sem fyrst. 

Ef menn vilja haga málum með öðrum hætt næst þegar svona kemur uppá verður að leggja í vinnu við að þjálfa menn setja upp viðbragðsáætlun og tryggja að aðgengi að vopni og lyfjum sé fyrir hendi innan skynsamlegra tímamarka.

Vonandi taka menn þessa hættu með í reikninginn þegar hættumatið sem utanríkisráðherra er að láta vinna verður gert.  Og vonandi verða ekki settar upp orrustuþotur til að bregðast við heldur deyfilyf og byssa til að koma þeim í dýrið.

[Baldvin Kristjánsson, 3.6.2008 kl. 15:25]

Held reyndar að best væri að þeir sem hafa með þetta að gera hætti að googla linkinn og hringi bara í sýslumanninn á Svalbarða.

Þeim er vel treystandi fyrir því að leiðbeina íslendingum.

En ég sé að þú ert inni í því hvernig á að gera þetta,

var ekki framsókn í þessu ráðuneyti síðast? ef ég man rétt eru ekki svo margir framsóknarmenn eftir, svo þú hefur sjálfsagt verið kallaður til. Veistu eitthvað um hversu langt þetta náði (frá 1995-2007)?

[G. Valdimar Valdemarsson, 3.6.2008 kl. 15:36]

Jú framsókn var með umhverfisráðuneytið í síðustu stjórn.   Við erum nú um 12 þúsund á skrá í flokknum og þess vegna hefur þeim sennilega sést yfir mig þegar kalla átti menn til.   Annars leyfi ég mér að efast um að hættan af ísbjörnum og viðbrögð við henni hafi verið ofarlega á blaði í ráðuneytinu.    Það er nú einu sinni þannig að það er af nógu að taka í starfi ráðuneyta og auðvelt að vera vitur eftir á. 

En vonandi setjast menn nú yfir þetta mál og gera viðeigandi ráðstafanir þannig að meiri sátt verði um viðbrögðin næst þegar ísbjörn lætur sjá sig.

[Baldvin Kristjánsson, 3.6.2008 kl. 15:44]

er þetta ekki það sem þeir sögðu 1995?

best ég finni sjálfur símanúmerið hjá sýslumanni í longyearbyen, hlýtur eitthvað að hafa komið fyrir póstskipið.

óska þér góðs gengis í framsóknarpólitík sem og upplýstri umræðu.

[Evert S, 4.6.2008 kl. 00:46]

Ég held að málið snúist nú líka um að á svalbarða er ísbjörnin á heimaslóðum, það er hann ekki í skagafirði, og hér á landi er ekki eðlilegt að ísbirnir gangi lausir og í raun ekki ásættanlegt.

[Magnús Guðjónsson, 5.6.2008 kl. 17:22]

Ég  lagði það  á mig að  lesa  þessi  skoðanaskipti  hér fyrir ofan og  ég verð að segja enn og  aftur að lögreglumaðurinn sem tók ákvörðun um að skjóta  dýrið  með  samþykki  umhverfisráðherrans,  tók  rétta  ákvörðun að  mínu viti.  Það er  nú bara hálfgert rugl  að  bera  okkur  saman  við  Grænland og  Svalbarða í  þessu samhengi,  sem  eru heimaslóðir  ísbjarna  og  menn alast upp með  þeim og kunna  að  bregðast  við  "óvæntri  komu þeirra"  á manna slóðir..  Það  er  hinsvegar  allt  í  lagi að  setja  upp  skýra  áætlun um hvernig eigi að bregðast við Ísbjörnum á  Íslandi. 

Hafið það svo  bara  eins og þið viljið