ASÍ er ekki trúverðugt þegar það hvetur til mótmæla

Verkalýðshreyfingin ver fjármagnseigendur með kjafti og klóm.  Hún hefur misst öll tengsl við fólkið í landinu og hugsar meira um að verja sjúkrasjóðina, orlofssjóðina og lífeyrissjóðina en að tryggja venjulegu fólki mannsæmandi kjör.

Sú staðreynd að Gylfi Arnbjörnsson fór á taugum þegar baulað var á hann á 1 maí breytir þar engu um.  Verkalýðshreyfingin missti af lestinni í vetur og hefur síðan verið leppur Samfylkingarinnar og varið hennar stefnu gegn fólkinu í landinu.

Hagsmunasamtök heimilanna eru miklu trúverðugri samtök sem standa vörð um kjör venjulegs fólks en forysta verkalýðsins ber kápuna á báðum öxlum.  Bæði sem fulltrúar fjármagnseigenda og eins hefur berlega komið í ljós að ASÍ er bara deild í Samfylkingunni en ekki samtök launafólks.

Kuldaboli bítur mótmælendur

Athugasemdir

[Axel Jóhann Hallgrímsson, 10.5.2009 kl. 04:49]

Sæll Valdimar sveitungi,  ég man ekki hvort ég hef áður ályktað á blogginu þínu, ef ekki þá er kominn tími til.

Ég er alveg sammála áliti þínu á forseta ASÍ og því apparati öllu. Gylfi er ekki í nokkru sambandi við fólkið í landinu. Samþykkt frestunar á umsömdum launahækkunum 1 mars og öll umgerð þess máls er með ólíkindum. Sjá nánar hér.