Styrkir !!!!!!!!!

Ég var að horfa á sjónvarpsauglýsingu frá FL-okknum.  Auglýsingu sem líklega er greidd fyrir mútuféð frá Hannesi Smára og Björgúlfsfeðgum, eða ávöxtun af því.   Þar er vitnað í niðurlag langrar umsagnar frá lögmannafélagi Íslands um stjórnarskránna.   Þar eru tvær setningar teknar úr öllu samhengi notaðar til að afsaka andstöðu við sjálfsagða kröfu þjóðarinnar um nýjar leikreglur.   Múturnar eru notaðar til að fjármagna auglýsingaherferð til að verja Ísland árgerð 2007.  Ísland þar sem íhaldið og kolkrabbinn fóru sínu fram óháð siðferði, lögum og reglum

Styrkir endurgreiddir

Að skreyta liðugt

FL-okkurinn dróst með í þá vegferð að setja lög um stjórnmálaflokka.  Nú heitir það að hann hafi beitt sér fyrir því.   Svona falsa menn söguna hjá íhaldinu.  Nákvæmlega eins og þegar þeir ætluðu að eigna sér fæðingarorlofslögin korter í kosningar 2003.

Formaður nefndar sem samdi frumvarp til laga um fjármál stjórnmálaflokkana var Sigurður Eyþórsson þáverandi framkvæmdastjóri Framsóknarflokksins.  Nefndin var skipuð af Halldóri Ásgrímssyni forsætisráðherra.   Ef ekki hefði verið fyrir aulahátt íhaldsins hefði það verið gert miklu fyrr. 

Það vita allir hvernig þeir hafa dregið lappirnar í því að setja siðareglur fyrir þingmenn og ráðherra.  Nú horfir þjóðin á það hvernig þeir draga lappirnar þegar koma á stjórnlagaþingi sem setur nýjar leikreglur fyrir samfélagið.  T.d. um skipan dómara.   

Þeir verja spillinguna og völdin fram í rauðan dauðann og réttast að þingið sitji til hádegis 25 apríl þeir gera þá ekkert meira af sér á meðan.

Hafði ekki hugmynd um þetta

Skuldir heimilanna

Úr stefnuskrá Samfylkingarinnar um lausnir handa heimilum í vanda.   Feitletrun er mín og rautt eru mínar athugasemdir. 

Skuldir heimilanna

14. Að leitað verði sanngjarnra leiða til að skipta ófyrirséðu tjóni milli lántakenda og lánveitenda vegna efnahagshrunsins og hækkunar verðtryggðra lána því samfara.  Engar lausnir bara endalaus leit.

15. Heildstæðar aðgerðir stjórnvalda til að brúa tímabil erfiðleika fyrir heimilin. Slíkar aðgerðir eiga að byggja á forsendum jafnaðar og forgangsröðunar takmarkaðra fjármuna til þeirra sem helst þurfa á að halda. Meðal þeirra aðgerða eru:

a. Greiðslujöfnun.                        -         Ein leið til að fresta vandanum ... bara ef við fáum stólana.

b. Hækkun vaxtabóta.                 -         Vaxtabætur eru tekjutengdar ... og fáir njóta þeirra í dag.

c. Lenging lána.                         -          Eignamyndun engin og menn greiða til áttræðs.

e. Greiðsluaðlögun.                    -          Ný vísitölufjölskylda  =  Hjón, tvö börn og tilsjónarmaður

f. Lausn fyrir heimili með gengisbundin lán og lán með ákvæðum um endurskoðun vaxtaprósentu.

Í hverju er lausnin fólgin ???????????

g. Aukin réttarvernd skuldara.  Í hverju felst hún?   Auðveldara gjaldþrot ?

h. Aukið tillit til skuldara við innheimtuaðgerðir af hálfu hins opinbera.  Þeim verði gert kleyft að safna upp meiri vanskilum áður en nokkuð er gert

i. Að tryggja samþætta ráðgjöf allra fjármálafyrirtækja við lausn á greiðsluvanda.   Vísa vandanum á aðra.. engar lausnir

Er það nema furða að þeir forðist málefnalega umræðu.

Starfslokagreiðsla ?

Er þetta verðið fyrir þögn Ingu Jónu um það hversvegna hún gekk úr stjórn FL-Group.   Það mætti þá velta fyrir sér hvaða verði þögn þingmanns Sjálfsstæðisflokksins sem missti minnið fyrir rétti var greidd.

Mafía er það og mafía skal það heita.

30 milljóna styrkur

Jóhanna !!!!!!!!!

Ekki semja af þér.  Við viljum stjórnlagaþing og þjóðaratkvæði.  Aðrar breytingar geta beðið eftir stjórnlagaþinginu.

Koma til móts við Sjálfstæðisflokk

Og........

Er ekki eitthvað spennandi í sjónvarpinu í kvöld sem íhaldið má ekki missa af ?

Óskað eftir lengri tíma til umræðu

Er rauðka á vetur setjandi ?

Fram kom í umræðum á framboðsfundi í Norðvesturkjördæmi að það er himinn og hafa á milli VG og Samfylkingarinnar í Evrópumálum.   Guðbjartur Hannesson taldi óhjákvæmilegt að sækja um aðild að ESB á næsta kjörtímabili en Jón Bjarnason taldi það hið mesta óráð.  Reyndar afhjúpaði Jón vanþekkingu sína á aðild að ESB og talaði um inntökuskilyrði í sambandið og ruglaði þar saman Evrópusambandinu og myntsamstarfi Evrópusambandsríkja.

Þessir flokkar leika tveimur skjöldum í málinu.  Ef þeir ætla saman í stjórn verður annar flokkurinn að gefa fullkomlega eftir í málinu.  Það er ekki hægt að vera bæði með og á móti í og ekki í ESB.   Það er heldur ekki traust að ríkisstjórn sem sækir um aðild sé klofin í málinu og annar stjórnarflokkurinn í raunverulegri andstöðu við það.  Sagan hræðir.  Samfylkingin hefur í tvígang fórnað Evrópustefnunni á altari ráðherrastólanna í stjórnarmyndun.   Hver segir að það gerist ekki aftur?  Það er ekkert sem bendir til að núverandi stjórnarflokkar komi sér saman um raunhæfa stefnu út úr vandanum hvorki í atvinnumálum, efnahagsmálum eða Evrópumálum og því líklegt að stjórnin verði ekki langlíf.

Framsóknarflokkurinn hefur aðildarviðræður á stefnuskrá sinni.  Flokkurinn hefur sett fram skilyrði sem væntanleg samninganefnd þarf að taka tillit til við samningsgerðina.  Aðrir flokkar telja þessi skilyrði þannig að þau í raun útiloki aðild.  Ég er sammála þeim, ef skilyrðin nást ekki er sjálfsagt að fella væntanlegan samning.   Skilyrðin eru ekki sett fram í þeim tilgangi heldur eru þau raunhæf og um sambærileg skilyrði hefur verið samið í aðildarsamningum annarra ríkja. 

Ég tek reyndar fram að eitt skilyrða framsóknar er ekki að finna í aðildarsamningum annarra ríkja.  En samningar eru samningar og rétt að samninganefndin haldi vel á hagsmunum þjóðarinnar og vinni að því að ná því fram.  Það er jú einu sinni þannig að í öllum aðildarsamningum hefur ESB orðið að gefa eftir og taka tillit til hagsmuna þeirrar þjóðar sem um sækir.  Annars þyrfti jú enga samninga.

Ástandið á Íslandi kallar á aðgerðir sem ekki þola bið.  Það verður að komast á hreint hver peningastefnan á Íslandi verður á næstu árum.  Hún þarf að vera trúverðug og styðjast við öflugan bakhjarl.  Aðild að ESB með upptöku Evru sem langtímamarkmið er eina peningastefnan sem nefnd hefur verið nú í aðdraganda kosninga.  Þessi leið gerir ráð fyrir stöðuleikasamningi við Seðlabanka Evrópu sem þá styður Seðlabanka Íslands við að ná fram nauðsynlegum stöðuleika og gengi til að geta skipt um mynt. Þessa leið vilja Framsóknarmenn láta reyna á.   Samfylkingin telur þetta einu færu leiðina út úr vandanum og aðrir flokkar vilja bara eitthvað annað, en benda ekki á neinar lausnir. 

Framsóknarmönnum hefur verið borið á brýn að vilja slá aðildarumsókn á frest.  Það er ekki rétt. Framsóknarmenn gera sér aftur á móti grein fyrir því að grípa þarf til aðkallandi aðgerða sem verða að hafa forgang í sumar.  Ef ekki er gripið til raunhæfra aðgerða til að styrkja atvinnulíf og efnahag fjölskyldnanna í landinu verður samningsstaða Íslands engin.  Þar skilur á milli Framsóknarflokks og Samfylkingar, en hún hefur ekki komið fram með neinar lausnir á bráðavanda atvinnulífs og heimila sem er nauðsynlegur undanfari aðildarviðræðna við ESB.  Þeir vilja sækja um með allt niður um sig og sjá hvað þeir fá.

Framsóknarflokkurinn erindi við þjóðina og það erindi hefur aldrei verið brýnna en nú.

Arðrán í nýjum búningi.....

Gamli verkalýðsforinginn ætlar að bjóða almenningi lán með 18,5% vöxtum.  Þetta kalla menn að gera vel við almenning á Íslandi.  Þetta þýðir á mannamáli 185.000 krónur í vexti af hverri milljón, eða 3,7 milljónir í vexti eina saman á ári af 20 milljón króna láni og þá á eftir að borga af láninu.

Þessu er svo pakkað inn þannig að ekki séu greiddar nema 70.000 af milljóninni og 115.000 krónur leggist við höfuðstólinn.  Það þýðir að af 20 milljónum bætast 2,3 milljónir við höfuðstólinn og 1,4 milljón krónur eru greiddar í vexti fyrir utan afborganir.  Þá verður höfuðstóll lánsins orðinn 24, 6 milljónir árið 2011.  Í núverandi árferði eru svo miklar líkur á að íbúðin sem keypt verður fyrir andvirði lánsins hafi fallið í verði.

Geta ríkisbankarnir ekki boðið betur en þetta?  Er þetta sú framtíð sem andstæðingar ESB vilja búa unga fólkinu á Íslandi?

Kunna menn ekki að skammast sín ?

Landsbankinn býður óverðtryggð íbúðalán

Er frambjóðandinn týndur ?

Hvar er Illugi Gunnarsson frambjóðandi Sjálfstæðisflokksins í Reykjavík núna?   Það virðist skipulegt af Valhöll að fela frambjóðandann enda á hann erfitt með að skýra gjörðir sýnar í bankahruninu og í aðdraganda þess.

Fram hefur komið og ekki um það deild að Illugi Gunnarsson var í stjórn peningamarkaðssjóðs sem kallaðist Sjóður 9 hjá Glitni banka. Það er heldur ekki um það deilt að þessi sjóður stóð mjög illa þegar bankinn hrundi að mestu leiti vegna vafasamra viðskipta í vafasömum bréfum tengdra aðila.

Í prófkjörinu íhaldsins í Reykjavík gat Illugi ekki verið felum og reyndi að skýra aðkomu stjórnarmanna að starfssemi sjóðsins í bloggfærslu sem finna má hér.

Frambjóðandinn gerir enga tilraun til að skýra út hvers vegna hann sat þarna í stjórn.  Var það vegna þess að hann hafði fjárfest svona mikið í sjóðnum?   Var það vegna þess að bankanum þótti betra að hafa aðgang að þingmanninum og þess vegna var hann settur í stjórn?   Það vakna ýmsar spurningar bara um stjórnarsetuna eina og sér.

Það er ekki um það deilt að settir voru umtalsverðir fjármunir í sjóðinn til að bjarga því sem bjargað varð við hrunið.   Illugi fullyrðir að sjóðsfélagar hafi þar allir setið við sama borð, en það er nú öðru nær.   Margir fengu greitt út hlutfall af því sem þeir áttu og annað er tapað.   Fyrir öðrum er sjóðurinn ennþá lokaður og verið að semja um greiðslur þar sem gera má ráð fyrir að allt að 80% af fjármunum sé glatað.  Fjármunir sem stjórnin og starfsmenn sjóðsins áttu að gæta og ávaxta.

Illugi fullyrðir að engar greiðslur hafi komið úr ríkissjóði til að fela tap sjóðanna.  Varla duttu þessir fjármunir af himnum ofan?  

 Um þessa hlið málsins þegir Illugi þunnu hljóði.  

Ég spyr: 

Hvernig er stjórnarsetan tilkomin?

Bera stjórnarmenn í raun enga ábyrgð eins og Illugi fullyrðir?

Hvaðan komu fjármunirnir sem runnu inn í Sjóð 9 ?

Hverjir áttu þá fjármuni í raun?

Hverjir greiddu fyrir mannorð Illuga og voru þeir inntir álits áður ?

Hangið á völdum eins og hundur á roði

Sjálfstæðismenn mega ekki til þess hugsa að þjóðin hafi eitthvað um grundvallarlöggjöf landsins að segja.  Þeir eru dauðhræddir við að almenningur fái að hafa hönd í bagga við að semja nýja stjórnarskrá.  Þeim þykir það ekkert tiltökumál að ráðast á forsetaembættið hvenær sem þeim hentar og grafa undan því.  En ef ræða á grundvallarbreytingar á stjórnarskrá sem er orðin 130 ára gömul að stofni til verða þeir æfir.

Stjórnarskráin var samin í Danmörku á sínum tíma þegar völd konungs voru mun meiri en þau eru í dag.  Uppbygging stjórnkerfisins á Íslandi endurspeglar 130 ára gömul viðmið.  Íhaldsmennirnir vilja halda því fyrirkomulagi.   Það tryggir óeðlilegt ráðherraræði og völd embættismanna langt umfram það sem eðlilegt getur talist. 

Þetta kerfi á nú að verja með málþófi og Morfísæfingum í dag.  Er það ekki endanleg sönnun þess að það er komin tími á að gefa þessum valdagíruga flokki langt frí frá landsstjórninni.  Í Reykjavík voru íhaldsmennirnir settir í frí í 12 ár.   Kannski er komin tími á samskonar frí frá landsstjórninni. 

Sjálfstæðisflokkurinn virðir vilja þjóðarinnar um aðkomu að eigin málum að vettugi.   Þeir hafa nú sett upp á heimasíðu sína dæmalausa upptalningu um andstöðu margra aðila við breytingarnar.

Það vekur athygli mína að þeir finna eina og eina setningu sem þeir taka síðan úr öllu samhengi og  túlka sem andstöðu við allt málið í heild.   Ef þetta er það eina sem þeir finna þá blasir við að það er engin raunveruleg andstaða við málið nema í innsta kjarna Sjálfsstæðisflokksins og hjá embættismönnum skipuðum í skjóli flokksins.

Vilja vísa stjórnarskrármáli frá