"sló á frest umræðu um aðild að Evrópusambandinu"

Þingkona Samfylkingarinnar segir að ríkisstjórn Samfylkingar og Sjálfstæðisflokks hafi slegið á frest umræðu um aðild að Evrópusambandinu.   Samfylking situr nú í ríkisstjórn með VG og þessum sömu umræðum er enn slegið á frest.   Stólarnir teknir fram fyrir hagsmuni almennings.

Boðað kosningabandalag Samfylkingar og VG mun enn slá þessum sömu viðræðum á frest og setja málið í uppnám.   Í desember sl. munaði formanni Samfylkingar ekkert um að lýsa því yfir að ef Sjálfstæðisflokkurinn samþykkti ekki aðildarviðræður við ESB fyrir janúarlok væri stjórnarsamstarfinu sjálfhætt.  

Núna eru stólarnir mikilvægari en aðildarviðræðurnar.  Nú má stefna að 4 ára samstarfi við VG án viðræðna við ESB vegna þess að skoðanakannanir benda til þess að þannig eigi stefna flokksins að vera þessar vikurnar.  Vinsældakapphlaupið er ástundað af sama kappi og áður og stefnan komin ofan í skúffur og verður ekki dregin fram aftur fyrr en skoðanakannanir segja að nú eigi að stefna að aðild. 

Forysta Samfylkingarinnar ætlar að sitja sem fastast án þess að taka á sig nokkra ábyrgð, það eru alltaf einhverjir aðrir sem eiga að sæta ábyrgð.  Ekki þeir.  Stólarnir skipta svo miklu máli að þjóðin og hennar vilji er aukaatriði. 

Er þessu fólki sem myndar kosningabandalagið Samfylkingu treystandi ?

Mörður: Ég átti að fylgjast betur með

Svikul ríkisstjórn ?

Er þetta enn ein tilraun minnihlutastjórnar Jóhönnu til að svíkja samkomulagið við Framsókn sem m.a. gekk út á kjördag 25 apríl?   Er ekkert sem Jóhanna getur gert skammlaust í forsætisráðuneytinu ?

Ekki hægt að hefja utankjörstaðaatkvæðagreiðslu

hmmmm ????

Er þetta ekki drengurinn sem skyldi við Bolungarvíkurkaupstað gjaldþrota og vill nú komast undir verndarvæng pabba að kjötkötlunum í Reykjavík ?

Grímur í 1. - 2. sæti í NV

Jóhanna brýtur stjórnarskrá

En það er allt í lagi af því að það er heilög Jóhanna, en ef Davíð eða Halldór hefðu gert það sama hefði fjölmiðlakór Samfylkingarinnar misst sig í margar vikur.

Hjá 4 valdinu á Íslandi sem situr í boði forsetans skiptir meira máli hver brýtur lögin ekki hvort lögin eru brotin.

Er þingmaðurinn að biðja um ritskoðun ?

Má til dæmis ekki minnast á sjóð 9 og 200 milljarða framlag til að bjarga andliti braskaranna í peningamarkaðssjóðunum?   Framlag sem aldrei fékk lýðræðislega umfjöllun í stofnunum samfélagsins og á eitt og sér að duga til að þeir sem tóku þátt í leiknum dragi sig í hlé og skammist sýn.

„Þessu verður að linna“

Óskar hvað ?

Er mogginn kominn í flokk með DV  ?

Hlökkum til að gefa út öflugan og vandaðan fjölmiðil

Er Mogginn farinn í hundanna?

Nýir eigendur Árvakurs eru ekki sérlega hvítþvegnir englar.  Áróður gegn erlendum aðila sem vildi kaupa blaðið tók kannski ekki alveg mið af því hverskonar lið stóð að tilboðinu sem keppti við Ástralann enda varð að halda því leyndu fram í rauðann dauðann.   (Sama aðferð og Baugur notaði þegar hann eignaðist Fréttablaðið) 

Lögreglan sem var að kanna meint efnahagsbrot Óskars varð að fara fram á húsleitarheimild fyrir dómsstólum til að fá gögn um skattamál Óskars Magnússonar frá skattinum.  Hversvegna skatturinn sá sér hag í að ganga erinda Óskars er algjörlega óskýrt mál og verður líklega fyrsta fréttaskýring (skáldsaga) Agnesar Bragadóttur til að sanna nú húsbóndahollustu sýna við nýja húsbændur.   Var þetta besti kandídatinn sem íhaldið átti til að taka yfir eignarhaldið á málgagninu?  Aðrir eigendur eru m.a Guðbjörg Matthíasdóttir sem átti aðild að vægast sagt vafasömum viðskiptum með hlutafé  í Glitni dagana fyrir bankahrunið.  

Er mikill munur á gjaldþrota blaði í eigu Björgúlfs Guðmundssonar með Agnesi Bragadóttur sérráðna til að gæta sinna hagsmuna og þessari klíku sem nú á að taka við.

Eru þetta pappírarnir sem eiga að halda málgagninu fyrir íhaldið áfram og kasta ryki í augu þjóðarinnar og kalla Morgunblaðið frjáls og óháð ?

Ég held ég segi upp áskriftinni að Morgunblaðinu og sæki svo um að fá að blogga á Eyjunni framvegis.

Þórsmörk kaupir Árvakur

Tvöfaldur í roðinu

Þingmaðurinn Sigurður Kári lýsir yfir miklum vonbrigðum með að minnihlutastjórn VG og Samfylkingar gefst upp á að gæta hagsmuna íslendinga í ICESAVE málinu.    Þingmaðurinn ætti nú að líta að eins í eigin barm og spyrja sig um frammistöðu Geirs Haarde, sem hringdi eitt símtal til að ræða málin við forsætisráðherra Bretlands.  Hann var á tali eða ekki við og þá lét forsætisráðherra íhaldsins málið niður falla.

Sigurður Kári farðu nú langt frí frá Alþingi.   Þjóðin þarf ekki á þjónustu svona "kassadömu" að halda

Veldur miklum vonbrigðum

Össur og Jóhanna eiga að víkja að ógleymdum Krístjáni Möller

Davíð Oddsson kom fram í Kastljósi í gær og upplýsti að ríkisstjórnin hefði fengið kolsvarta skýrslu frá þekktum evrópskum fjármálasérfræðingi um stöðu bankana og ekkert aðhafst.   Hann upplýsti einnig að hann hefði mætt í ríkisstjórnarfund og gefið bönkunum tvær til þrjár vikur og sagt að ef einhvern tíman væri tími til að mynda þjóðstjórn væri það þá.

Í þessari ríkisstjórn sem stakk skýrslunni undir stól og gerði þjóðstjórnarhugmynd Seðlabankastjóra að stærra máli en yfirvofandi hrun bankanna sátu þrír núverandi ráðherrar.  Jóhanna Sigurðardóttir, Kristján Möller og Össur Skarphéðinsson.   Þau bera ábyrgð ásamt öðrum ráðherrum á því að ekkert var gert til að koma í veg fyrir bankahrunið. 

Ef einhverjir þrír einstaklingar í Íslenskri stjórnsýslu eiga að víkja embætti núna eru það þessir þrír ráðherrar.   Seðlabankastjórarnir eiga að víkja vegna þess að þeir njóta ekki trausts um það er engin spurning.  En ráðherrarnir eiga að víkja vegna vanrækslu. 

Davíð fór með hálfkveðnar vísur og dylgjur sem geta átt við um stóran hóp manna í íslensku samfélagi.   Hann verður að gera hreint fyrir sýnum dyrum og upplýsa hvaða fólk naut sérkjara í bönkunum.  En að sama skapa læðist að manni sá grunur að Jóhanna, Kristján og Össur sitji í ríkisstjórn til að tryggja að ekki sé velt við öllum steinum í rannsókn á bankahruninu.   Hversvegna axla þau ekki ábyrgð eins og kallað er eftir og segja af sér ?

Ég velti því líka fyrir mér hvort að Össur, Kristján og Jóhanna sitji eingöngu í ríkisstjórn til að gæta hagsmuna Baugs og klára að ganga á milli bols og höfuðs á Davíð Oddssyni?     Ný lög um Seðlabankann sjá vonandi dagsins ljós í þessari eða næstu viku, en það eru önnur og stærri mál sem eru meira aðkallandi hjá þjóðinni.  

Turnarnir tveir í íslenskri pólitík undanfarin ár, Jón Ásgeir og Davíð Oddsson eru að falla og vonandi falla flokkarnir sem trúðu á þá með þeim.  Nú er komin tími á að fólk sé haft í fyrirrúmi og stjórnmálin snúist um fólkið í landinu og hagsmuni þess en ekki stolt tveggja manna.

Höskuldur fór ekkert.... það gerði Össur

Ríkisstjórnin er varin vantrausti af Framsóknarflokknum.  Það var gert með ákveðnum skilyrðum meðal annars um stjórnlagaþing,  kjördag og aðgerðir til að aðstoða fyrirtækin og heimilin í landinu. 

Í stað þess að ganga til þeirra verka fór ríkisstjórnin í krossferð gegn einum manni með illa unnið frumvarp að vopni.  Ríkisstjórnin fór síðan að gæla við það að fresta kjördegi í stað þess að standa við samkomulagið.

Fulltrúar ríkisstjórnarinnar í nefnd um stjórnarskrárbreytingar og stjórnlagaþing hafa dregið lappirnar og eru á góðri leið með að eyðileggja góða hugmynd með fækkun þingmanna til að tryggja sérfræðingaræðið og takmarka aðkomu leikmanna að þinginu.

Að lokum hefur ríkisstjórnin ekki komið með neinar haldbærar tillögur um aðgerðir fyrir heimilin og fyrirtækin í landinu.  Það er bara lagt fram frumvarp um greiðsluaðlögun og almenningi talin trú um að það leysi vanda heimilanna sem er langt í frá það sanna í málinu.   Frumvarp um frestun nauðungaruppboða leysir heldur engan vanda. 

Össur ætti að snúa úr þessara krossferð og fara að vinna vinnuna sem liggur fyrir.  Frumvarpið um Seðlabankann fer í gegn þegar það hefur fengið viðeigandi umfjöllun í nefnd og þingmenn eru sáttir. 

Það er ekki hlutverk ráðherrana að segja Alþingi fyrir verkum, Össur verður bara að bíta í það súra epli.  Það er krafa almennings að skilja á milli framkvæmdarvaldsins og löggjafarvaldsins.

Höskuldur í háskaför