Nú hefst sýningin......

Nú þegar sér fyrir endann á IceSave málinu er fyrirsjáanleg flugeldasýning fjármálaráðherra og ríkisstjórnarinnar.   Lán til Landsvirkjunar, Orkuveitu Reykjavíkur og fleiri aðila sem beðið hafa tilbúin til afgreiðslu í vikur og mánuði fást nú flutt til landsins.

Ég velti því fyrir mér hver var og er tilgangur fjármálaráðherra með því að hanga á þessum lánum og beita lögum um gjaldeyrishöft til að koma í veg fyrir afgreiðslu þeirra.  Var það til þess að skapa pressu innanlands á að IceSave samningurinn verði afgreiddur, eða er tilgangur bara að skjóta pólitískar keilur?

Sama hvort er, þá hefur fjármálaráðherra og Seðlabanki verið Þrándur í Götu þessara lána og þannig skaðað fyrirtækin, íslenskt efnahagslíf og almenning í landinu. 

Væntanleg flugeldasýning ríkisstjórnarinnar þegar lánin koma inn í hagkerfið með þeim jákvæðu áhrifum sem það hefur á atvinnustig og gengi krónunnar er kannski ástæða þess að Seðlabankinn frestar því að birta hagtölur.  

Nú eru spunameistararnir farnir að verða þjóðinni dýrir þykir mér.

Guði sé lof fyrir Framsókn

Það er enn verið að herða á fyrirvörum og skilyrðum vegna IceSave og má það þakka Framsóknarmönnum sem ekki hafa gengið í þennan Halelújakór.

Fjárlaganefnd fundar síðdegis

Endalaust undanhald

Héldu menn því ekki fram að það væri komin samstaða allra flokka nema Framsóknarflokks um fyrirvara sem héldu og tryggðu hagsmuni Íslands.  Þannig var staðan fyrir aðra umræðu.  Nú er enn verið að reyna að plástra fyrirvarana en það er engin trygging í hendi fyrir því að þeir haldi og tryggi hagsmuni þjóðarinnar.

Steingrímur J skipaði óhæfa samninganefnd og það er löngu tímabært að blása þennan samning af og skipa nýja nefnd sem gerir sér grein fyrir alvöru málsins.  Og tala nú ekki um, sem er með formann sem nennir að vinna málið allt til enda.

Ríkisábyrgðin falli niður 2024

Er svona fréttaflutningur boðlegur ?

http://www.dv.is/sandkorn/2009/8/20/vesalings-finnur/

Linkurinn hér að ofan vísar á frétt á vef DV.   Einföld leit á Google leiðir hinsvegar í ljós að Alfreð Þorsteinsson og Orkuveita Reykjavíkur buðu út mæla aflestur og þjónustu við mæla á árinu 2000 og árið 2001 var gerður samningur við Frumherja eða 6 árum áður en Finnur Ingólfsson eignaðist fyrirtækið.

Á árinu 2007 er samningur OR og Frumherja endurnýjaður til 7 ára eða til ársins 2014.  Það er 98 ára munur á 2112 og 2014.  

Hver er tilgangur blaðsins og fréttamannsins með svona fréttamennsku?   Er sannleikurinn aukaatriði?

Höfundur fréttar er skráður [e-mail].

Er brennuvargur í slökkviliðinu ?

Eftir að hafa gluggað í skrif Þorvaldar Gylfasonar í Fréttablaðinu í morgun get ég ekki orða bundist.  Það getur vel verið að finna megi sök hjá stjórnmálamönnum og dæmi um vanrækslu sem átti þátt í að fjármálakerfi landsins hrundi.  Ekki ætla ég mér að gerast dómari í þeirri sök.

En um eitt er ég sannfærður og það er að hluti ábyrgðarinnar liggur hjá háskólasamfélaginu á Íslandi.  Fræðingarnir við Suðurgötuna hafa verið iðnir að tjá sig hægri og vinstri um hrunið og fara í fararbroddi þeirra sem leita sökudólga.  Samanber grein Þorvaldar Gylfasonar.

Ég held að þeir sem hafa borið ábyrgð á kennslu í lögfræði og viðskiptum við Háskóla Íslands undanfarin 20 ár ættu kannski að velta því fyrir sér hvað þeir gerðu rangt.  Embættismenn í ráðuneytum, hjá fjármálaeftirliti og í Seðlabanka, þeir sem áttu að tryggja að farið væri að reglum og þeir sem áttu að vara við ef reglum var ábótavant, ásamt starfsmönnum bankana sem mesta ábyrgð bera eru flestir með próf í lögfræði eða viðskiptafræði frá HÍ.

Mér þætti vænt um að háskólaprófessorar og lektorar litu nú aðeins í eigin barm og veltu því fyrir sér hvort og hvað þeir gerðu rangt og reyndu að læra af því áður en þeir hefja nornaveiðarnar.

Það væri kannski ágæt byrjun að viðskiptaráðherrann taki sér frí og skrifaði úttekt á kennslu sinni og hvort í hans kenningum megi finna hluta af orsök vandans.

Samviska stjornarinnar

Gott ad vita til thess ad einstaka thingmenn VG hafa tekid ad ser ad vera samviska stjornarinnar, ekki er ad vaenta nokkurs hlutar i tha veru fra thingmönnum Samfylkingarinnar.

Icesave sett á ís?

Loksins !!!

Það er vonandi að ríkisstjórnin láti hendur standa svona fram úr ermum í fleiri málum.

Húrra

Búið að sækja um ESB-aðild

Nýja peningamálstefnu !!!

Núna þegar Ísland er að verða umsóknarríki um aðild að ESB er rétt að skoða hvaða möguleikar fylgja þeirri nýju stöðu.  Viðskiptaráðherra hefur boðað að hann óski eftir fundi og aðstoð frá Seðlabanka Evrópu til að endurreisa stöðuleika og koma efnahagslífinu aftur á fæturna.

Væri ekki rétt að ræða í leiðinni við Seðlabanka Danmerkur og kanna möguleikana á því að taka upp danska krónu á Íslandi og að við fylgjum svo Dönum inn í Evruna þegar þeir ákveða að taka hana upp. 

Það væri alvöru aðstoð frá bæði Seðlabanka Evrópu og vinum okkar Dönum.

Útiloka ekki hækkun stýrivaxta

Játningar Evrópusinna

Nú er dagurinn sem greiða á atkvæði um það hvort sækja eigi um aðild að ESB.  Ég hef verið þeirrar skoðunar allar götur frá því að Ísland samþykkti að gerast aðili að EES að við yrðum fyrst það skref var stigið að ganga alla leið.

Ég hef talað fyrir þessari skoðun og stundum hlotið hljómgrunn og stundum ekki.  Fram af var það þannig að efnahagsástandið réði miklu um hvaða skoðun var ráðandi í umræðunni.  Þegar hér ríkti góðæri töldu menn enga þörf á að vera eyða tíma í aðildarumsókn en ef eitthvað bjátaði á þá fjölgaði þeim sem allavega vildu kanna hvað felst í aðild.

Í dag ætla Evrópusinnar að fagna niðurstöðunni.  Ég ætla ekki að mæta í þann fagnað.  Ég hef af því þungar áhyggjur að þeir sem drífa málið áfram í dag séu að vinna málstaðnum tjón.  Tjón sem getur orðið til þess að Ísland verði utan ESB og áhrifalaust í mörgum málum er varða framtíð og heill þjóðarinnar næstu ár og jafnvel áratugi. 

Alla tíð hefur verið ljóst að aðild er umdeild og að þegar og ef til aðildarumsóknar kæmi yrði að vanda vel til verka og leggja mikla áherslu á sem breiðasta pólitíska samstöðu.  Mikilvægt er að þeir sem halda á samningamálum fyrir hönd þjóðarinnar njóti víðtæks trausts þjóðarinnar.

Nú stefnir í aðildarumsókn sem samþykkt er á Alþingi með naumum meirihluta og hluti þess meirihluta mun greiða atkvæði með óbragð í munni og sannfæringu í hjarta um að þeir geti leiðrétt þessi mistök sín á síðari stigum.  Þetta er ekki glæsilegt upphaf á erfiðu samningaferli.  Það á að kosta til 1000 milljónum í að gera samningi sem ríkisstjórnin lýsir í upphafi yfir að hún áskilji sér allan rétt til að fella.   Hugur fylgir semsagt ekki máli, allavega ekki hjá öllum þeim sem ætla að greiða aðildarumsókn atkvæði sitt.

Gera má ráð fyrir í væntanlegri samninganefnd verði aðilar sem telja það hlutverk sitt að koma heim með slæman samning sem þjóðin fellir.  Ef til þess kemur að þjóðin felli aðildarsamning mun ekki verða sótt aftur um aðild að ESB um langt árabil.  Það er því umhugsunarefni hvort ekki sé rétt að bíða með umsókn og vinna heimavinnuna sína betur. 

Talsmenn þess að flýta sér í málinu er að þá sé hægt að fá Svía til hjálpa okkur fram hjá biðröðinni fram fyrir aðrar þjóðir.  Það á semsagt að beita gamaldags íslenskri klíku til að komast inn á undan öðrum.  Alltaf sárnaði mér hér áður fyrr þegar ég sá menn laumast framfyrir biðraðir á skemmtistöðum vegna þess að þeir voru í klíkunni. 

Vinnubrögð utanríkisráðherra við gerð EES samningsins voru ekki til fyrirmyndar, kokkuð voru upp vafasöm lögfræðiálit til að komast hjá nauðsynlegri breytingu á stjórnarskrá og af því súpum við seiðið í dag.   Núverandi utanríkisráðherra virðist ætla að falla í nákvæmlega sama farið.  Þjóðinni er sagt að sem hentar en ekki sannleikurinn.  Það er alveg ljóst að aðild að ESB leysir ekki öll vandamál þjóðarinnar og mun reyndar skapa vandamál á ýmsum sviðum.  Ég hef samt talið að kostirnir vegi upp gallana og þess vegna verið jákvæður gagnvart aðild.

Það getur vel verið að það auðveldi mönnum að komast í gegnum umræðuna á hverjum tíma að öll gögn liggi ekki á borðinu, en til lengdar skaðar það málstaðinn.  Í svona umdeildu og máli getur sá skaði eyðilagt allt málið.  Þessi vinnubrögð eru ekki til þess að auka mönnum bjartsýni og traust á svona degi.

Þess vegna hef ég fullann skilning á því að þingmenn sem í hjarta sínu eru Evrópusinnar eigi erfitt með að samþykkja fyrirliggjandi tillögu um aðildarviðræður.

Er ekki rétt að bíða aðeins og anda nú með nefinu og vanda sig betur ?

Staðan eins og hún hefur verið !!!!!

Staðan er þannig að hér er ekkert framkvæmt, hér eru okurvextir, hér er umtalsvert atvinnuleysi og innflutningur í algjöru lágmarki.

Mælir Seðlabankinn með að við viðhöldum þessari stöðu næstu 15 árin ?

Hver var að tala um Kúbu norðursins og Norður Kóreu Evrópu?

Alvarlegt að synja Icesave