Bloggfærslur mánaðarins, júlí 2008

Utanríkisráðherra til skammar

Hún hafði allan möguleika til að koma að málinu, bara ef hún hefði verið í vinnunni.  Sjá nánar hér 
mbl.is Eiginkona Ramses ólöglega í landinu
Tilkynna um óviðeigandi tengingu við frétt

Utanríkisráðherra með allt niðrum sig

Ég hef það frá fyrstu hendi að það var óskað eftir viðtalið við utanríkisráðherra vegna þessa máls í mars sl. og það aftur ítrekað síðar. Þetta erindi fór beint inn á borð ráðherra og í seinna skiptið staðfesti ritari að óskin væri á borði ráðherra.

Væri nú ekki nær að ráðherra kláraði mál sem bíða afgreiðslu í hennar eigin ráðuneyti áður en hún fer að semja um frið í fjarlægum löndum?

Yfirlýsing ráðherra um að hún hafi fyrst heyrt af málinu í fréttum, bendir annað tveggja til að hún sinni ekki erindum sem berast ráðuneytinu eða að hún fari með rangt mál.


mbl.is Mótmæla meðferð á flóttamanni
Tilkynna um óviðeigandi tengingu við frétt

Þarf Geir að segja af sér ?

Sú kjaftasaga gengur nú ljósum logum um samfélagið að lekinn til Landsbankans um væntanlegar aðgerðir ríkisstjórnarinnar í efnahagsmálum hafi komið beint frá forsætisráðherra.   Það er grafalvarlegt mál ef satt er. 

Ljóst er að Halldór Kristjánsson bankastjóri hafði þessar upplýsingar undir höndum áður en markaðir lokuðu, um það er ekki deilt.  Nefndur hefur verið sá möguleiki að Yngvi Örn Kristinsson, framkvæmdastjóri verðbréfasviðs Landsbankans, hafi verið ríkisstjórninni til ráðgjafar og þarf af leiðandi vitað um málið.   Ég hef miklar efasemdir um að Yngvi Örn hefði brugðist trausti hafi hann verið til ráðgjafar.  Hann þekki leikreglur markaðarins það vel.

 

Ungir sjálfstæðismenn eru fyrirferðamiklir á skrifstofum Landsbankans og það þarf auðvitað að skoða það nákvæmlega hvort þeir hafi búið yfir vitneskju um væntanlegar aðgerðir og nýtt þá vitneskju, jafnvel án vitneskju sinna yfirmanna, í störfum sínum.

 

Ábyrgðin á lekanum liggur í stjórnarráðinu, ekki hjá Landsbankanum.  Landsbankinn, eða einstakir starfsmenn hans kunna að hafa nýtt sér þessar upplýsingar, en mikilvægt er að upplýsa hver lak þeim og í hvern,  og kalla viðkomandi til ábyrgðar.

 

Það hefur ekki komið fram í umræðunni hverjir áttu þau bréf sem þarna voru seld.  Voru bréfin í eigu Landsbankans, eða í bara í vörslu hans?  Eða voru þau eign aðila úti í bæ sem kannski bjó yfir vitneskju um væntanlegar aðgerðir?

 

Nú er rannsóknin í höndum Fjármálaeftirlitsins og vonandi velta þeir við öllum steinum í þessu máli og upplýsa það.   Það er mikilvægt ef traust á að ríkja að málið sé upplýst að fullu og þeir látnir axla ábyrgð sem þarna varð á, og þar er komin ástæða fyrirsagnarinnar.   Geir þarf að sjálfssögðu að segja af sér ef hann er sá sem lak þessum upplýsingum.

 Fjármálaeftirlitið hlýtur að hraða rannsókninni og senda málið síðan til efnahagsbrotadeildar ríkislögreglustjóra sé ástæða til.    Það veldur mér reyndar áhyggjum að það virðist fara saman að þeir sem eiga að rannsaka þetta mál í framhaldinu eru meira og minna tengdir Sjálfstæðisflokknum á einn eða annan hátt eins og sagt er.  Það er  því mikilvægt að fjölmiðlar haldi vöku sinni og fylgi málinu eftir, alla leið.

Seðlabankinn viðheldur verðbólgunni

Þessi þráhyggja er orðin að vandamáli í hagkerfinu.


mbl.is Stýrivaxtalækkun frestast
Tilkynna um óviðeigandi tengingu við frétt

Seðlabankinn viðheldur verðbólgu

Markmið með háum stýrivöxtum er að skapa vaxtamun við útlönd sem freistar útlendinga til að koma inn með erlent fé og ávaxta hér.  Þannig helst gengið hátt og vinnur gegn verðbólgu sem til er komin vegna þenslu innanlands.   Þessi rök heyrði maður aftur og aftur og aftur á hækkunarferlinu þegar Seðlabankinn rökstuddi hverja hækkunina á fætur annarri.

Nú hefur gengið fallið, þrátt fyrir háa stýrivexti, og vaxtamunurinn er enginn eða sáralítill og útlendingarnir farnir með féð.   Stýrivextirnir eru farnir að bíta á fyrirtækin og fjölskyldurnar og fyrirtækin eiga þá leið að velta hækkun stýrivaxta beint út í verðlagið til að komast hjá gjaldþroti en einstaklingar og fjölskyldur eiga ekkert skjól.

Háir stýrivextir munu nú fara út í verðlagið og valda verðhækkunum sem Seðlabankinn bregst svo við með því að hækka stýrivexti til að slá á verðbólgu.  Er þetta ekki sami vítahringur og við vorum í fyrir tíma þjóðarsáttar nema þá voru það launin sem hækkuðu og gengið sem lækkaði til að fyrirtækin gætu greitt hærri laun og verðbólgan óð áfram.

Ætlar Davíð Oddsson að hafa það sína arfleið í stjórnmálum að hafa elt kreddukenningar í hagstjórn út yfir gröf og dauða, sett fjölda fjölskyldna á vonarvöl og eyðilagt allan árangur þeirra ára sem hann sat í ríkisstjórn?


mbl.is Stýrivextir áfram 15,5%
Tilkynna um óviðeigandi tengingu við frétt

Ríkisstjórnin lagði inn fyrir þessu

Það getur varla verið auðvelt að fá launþega hjá ríkinu til að taka á sig einhverjar kjaraskerðingar núna þegar kreppir að.   Ríkisstjórnin kom fram með fjárlög sem voru alveg út úr kortinu með 20% kostnaðarauka.  Fjárlög sem allir vöruðu við.   Síðan þegar kreppan fer að bíta á fyrirtæki og fjölskyldur situr ríkisstjórnin með hendur í skauti og gerir akkúrat ekkert til að draga úr áhrifunum. 

Ríkisstjórnin situr með lánsheimild upp á 500 milljarða og ekkert gerist.   Þeim væri í lófa lagið að taka hluta af upphæðinni að láni og styrkja gjaldeyrisvarasjóðinn.  Jafnvel í hverri viku í 4 - 6 vikur.  Ef þessi lán verða óhagstæð má endurfjármagna þau þegar aðgerðirnar eru farnar að virka, en þær virka jú ekki fyrr en eitthvað er gert.   Ef ríkisstjórnin er að bíða eftir lægra skuldatryggingarálagi er hún að bíða eftir sjálfri sér,  það er hún sem þarf að grípa til ráðstafana sem hafa áhrif til lækkunar og á meðan ríkisstjórnin gerir ekkert neitt... gerist ekki neitt.


mbl.is Læknar stefna á verkfall í haust
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband