Skotfæralausir spunameistarar ?
2.7.2009 | 10:19
Nú slær Vísir og fréttablaðið því upp að Framsóknarmenn neiti enn að fara úr græna þingflokksherberginu á Alþingi. Eins og fram kemur í fréttinni segir Ásta Ragnheiður að málið sé ekki á dagskrá fyrr en í haust og því vandséð hversvegna fréttin dúkkar upp á síðum Vísis í dag.
Hvað fréttamanni gengur til að draga fram þessa ekki frétt núna veit ég ekki, en það bendir ýmislegt til þess að hér sé verið að nota fréttamanninn sem nytsaman sakleysingja.
Þegar menn eiga ekki svör við gagnrýni eiga þeir það til að eyða talinu og benda bara á eitthvað annað. Hvort fréttin er að frumkvæði fréttamanns eða hvort fréttamaðurinn er notaður sem nytsamur sakleysingi veit ég ekki.
Það er ýmislegt sem bendir til þess að spunameistarar Samfylkingar séu ráðþrota núna þegar flokkurinn er komin í frjálst fall í skoðanakönnunum og nú eigi að tjalda öllu til og reyna að ná vopnum sínum. Og stóra herbergjamálið er það eina sem þeir fundu.
Steingrímur Joð
1.7.2009 | 17:12
Steingrímur Jóhann Sigfússon fyrsti flutningsmaður á þingsályktun á Alþingi í 2002-2003:
Alþingi ályktar að fram skuli fara almenn atkvæðagreiðsla, þjóðaratkvæðagreiðsla, samhliða kosningum til Alþingis 10. maí nk. um hvort ráðist skuli í byggingu Kárahnjúkavirkjunar eða ekki.
Og áfram í sama máli:
Treystum við ekki þjóðinni? Ekki getur það verið vandinn að nokkrum manni í þessum sal, þingræðissinna, detti í hug að þjóðin sé ekki fullfær um að meta þetta mál sjálf og kjósa um það samhliða því að hún kýs sér þingmenn. Stundum heyrist að vísu einstaka hjáróma rödd um að sum mál séu svo flókin að þau henti ekki í þjóðaratkvæði. Það er einhver allra ömurlegasti málflutningur sem ég heyri. Menn geta alveg eins haft ónefnd orð um gáfnafar þjóðarinnar, og það ætla ég a.m.k. ekki að gera. Það er ekkert í þessu máli sem er þannig vaxið að það sé ekki auðvelt að upplýsa um það og kynna það.
Steingrímur Jóhann Sigfússon á Alþingi í júlí 2004 um fjölmiðlalögin:
Spurði Steingrímur hvort forseti Alþingis hefði skoðað hvort það frumvarp ríkisstjórnarinnar væri þingtækt og hvort ekki fælist í því óþingleg ætlan um að fara á svig við stjórnarskrána og að hafa með brögðum af þjóðinni réttinn til að kjósa um málið í samræmi við ákvæði 26. grein stjórnarskrárinnar.
Steingrímur Jóhann Sigfússon, um ESB í leiðtogaumræðum í Sjónvarpinu 26. apríl 2009
Það verður örugglega gæfulegast fyrir okkur að virkja hér leiðir lýðræðisins og láta þjóðina sjálfa ákveða sín örlög í þessu stóra máli eins og öðrum.
Steingrímur Jóhann Sigfússon, um þjóðaratvæð i um Icesave-samninginn í DV 7 júní 2009
Jújú. En vel að merkja þá er það oftast þannig í löndum sem hafa lög um þjóðaratkvæðagreiðslur að það eru undanskilin viss mál sem framkvæmdavaldið verður að bera ábyrgð á eins og fjárlög, af því það er almennt ekki talið mögulegt fyrir stjórnvöld að bera slík mál í þjóðaratkvæðagreiðslu. Það þarf alltaf að huga að því hvers eðlis málin eru [...] Ég sé ekki annað en að ríkisstjórn og Alþingi verði að axla ábyrgð á því að klára þetta mál eins og til þess var stofnað og ákveðið var á Alþingi í vetur.
Hann slær Ragnari Reykás við - veit hann hvort hann er að koma eða fara ?
Það er ekki upp á þá logið
1.7.2009 | 16:37
Peningamálastefnan á að taka mið af lyktum ESB málsins. Segjum nú að lyktirnar verði að við sækjum um. ESB segist ekki geta talað við okkur fyrr en að ári liðnu. Samningaviðræður gætu tekið eitt ár svona til að vera bjartsýnn. Þó svo að nýjustu fréttir um að fyrirvara Íslands í sjávarútvegsmálum muni þvælast fyrir gefi ekki tilefni til bjartsýni. Nema þá að Samfylkingin ætli sér að fórna þeim hagsmunum.
Miðað við ýtrustu bjartsýni má því gera ráð fyrir að einhverskonar svar verði komið um ESB á árinu 2011. Þá á eftir að breyta stjórnarskrá og kjósa um aðildarsamningin í þjóðaratkvæði og þá fyrst vitum við hvort og hvenær við erum að ganga í ESB.
Þangað til ætlar Samfylkingin ekki að hafa peningastefnu, sennilega til að svelta þjóðina til að segja Já við hvaða samningi sem kæmi frá Brussel.
![]() |
Peningamálin í endurskoðun |
Tilkynna um óviðeigandi tengingu við frétt |
Þetta er siðlaust
30.6.2009 | 13:16
Nú þegar komið hefur fram að lögfræðingurinn sem gaf stjórn Kaupþings álit um lögmæti þess að láta niðurfellingu kúlulána til starfsmanna falla niður var sjálfur með kúlulán upp á heilar 450 milljónir fallast manni hendur.
Hvernig dettur stjórnarmönnum í hug að fara fram á álit frá þessum manni? Þetta lögfræðiálit hefur síðan móta alla umræðu um niðurfellinguna og menn talað um það eins og stóra dóm. Nú hlýtur stjórnin að fara frá og nýir aðilar að koma að málinu og kalla til óháða lögfræðinga hellst erlenda og verkefni þeirra á að sjálfsögðu að vera að leita leiða til að innheimta þessi lán.
Það ber líka að skoða tillögur ríkisstjórnarinnar um niðurfellingu skatta á eftirgjöf lána í nýju ljósi. Gerir ríkisstjórnin ekki ráð fyrir neinu þaki á þessa niðurfellingu? Viðvaranir um að hér myndi grassera spilling þar sem gert yrði upp á milli einstaklinga áttu greinilega fyllilega við tök að styðjast.
Þekkir einhver dæmi þess að Jón Jónsson hafi getað gengið inn í bankann sinn og fengið höfuðstól af láninu sínu færðan niður þó ekki væri nema kannski um 1 - 2 milljónir til að geta staðið skilum með afborganir?
Tillögur Framsóknarmanna um almenna niðurfærslu voru settar fram til þess að allir sætu við sama borð og til að komast hjá svona spillingu. Þetta er ekkert annað en spilling og tekur í raun öllu fram sem átti sér stað í góðærinu. Græðgi þess fólks sem tók hundruð milljóna að láni til þess að hagnast og lifði eins og enginn væri morgundagurinn ætlar engan enda að taka.
Okkur hinum er sendur reikningurinn. Nú er mál að linni.
![]() |
Vanhæfi Helga breytir ekki lögmæti |
Tilkynna um óviðeigandi tengingu við frétt |
Staðreyndir á borðið
29.6.2009 | 16:16
Gylfi talar í hálfkveðnum vísum. Hann segir ekki hvað hann gefi sér að fáist fyrir eignir Landsbankans, hann segir ekki hvað gerist ef mál vegna neyðarlaganna tapast, hann segir ekki frá því að við höfum aldrei haft þann afgang af viðskiptum við útlönd í heilt ár að nægi þó ekki væri nema til að greiða fyrir vextina.
Ef hann er að gefa sér sömu forsendur og Þórólfur Matthíasson að þetta sé bara eins og að loka álverinu á Reyðarfirði í 8 ár og afskrifa allar tekjur af Kárahnjúkavirkjun í sama tíma þá spyr ég hvort ekki sé rétt að ráðast í orkufrekar framkvæmdir til að standa undir þessu.
Hann gefur sér að vöxtur í útflutningstekjum verið jafn mikill og í góðæri undanfarinna ára. Vöxtur sem m.a. var drifinn áfram vegna hagstæðs umhverfis til fjárfestingar í orkufrekum iðnaði. Nú ætlar ríkisstjórnin að fórna íslenska ákvæðinu á ráðstefnu um loftlagsmál.
Hann segir ekki hvað ríkisstjórnin ætlar að gera í staðinn, til þess að ná þeim vexti sem hann gefur sér. Röksemdin heldur ekki vatni.
![]() |
Getum staðið við Icesave |
Tilkynna um óviðeigandi tengingu við frétt |
Davíð og Árni án umboðs
29.6.2009 | 12:54
Þó svo að Davíð Oddsson og Árni Matt hafi skrifað undir einhverja yfirlýsingu um skuldbindingar Íslendinga í IceSave voru þeir umboðslausir og höfðu ekki til þess heimild. Þetta veit AGS og þetta vita aðrar þjóðir.
Skuldbindingin var aldrei borin undir Alþingi og það er í raun fyrst núna sem kemur til kasta Alþingis að ákveða hvort Íslendingar samþykkja þessar skuldbindingar.
Allar yfirlýsingar gefnar á fyrri stigum er jafn marklausar og undirskrift Steingríms á samninginn ef Alþingi fellir ríkisábyrgðina.
Það er því sýndarleikur einn að vísa í einhverjar undirskriftir, má reyndar segja að Davíð, Árni og Steingrímur eigi það sameiginlegt að hafa skrifað undir skuldbindingar eins og væru þeir einræðisherrar og þyrftu ekki að spyrja þingið.
Það er fyrst núna sem reynir á það hvort þingmeirihluti sé fyrir hendi fyrir því að Íslendingar taki á sig skuldir sem nánast vonlaust er að borga. Nú reynir á þingmenn og menn leggja örugglega við hlustir og muna hvernig hver og einn greiðir atkvæði í þessu máli.
![]() |
Icesave-ábyrgð úr ríkisstjórn |
Tilkynna um óviðeigandi tengingu við frétt |
Hræðsluáróður
26.6.2009 | 14:36
Nú er hafinn mikill hræðsluáróður hjá ríkisstjórninni til að hræða menn til þess að samþykkja þá afarkosti sem Steingrímur J Sigfússon kallaði glæsilegan árangur fyrir örfáum vikum. Áróðurinn beinist ekki síst að stjórnarandstöðunni eins og að hún eigi að skera ríkisstjórnina úr snörunni sem hún kom sér í með því að semja af sér.
Það á að senda þjóðinni 300 - 500 milljarða króna reikning til að bjarga andliti fjármálaráðherra og samninganefndarmannanna sem hann gerði út. Þegar nefndarformaðurinn nennti þessu ekki lengur gekk hann að afakostum til að komast í sumarfrí.
Yfirlýsingar aðgerðarleysisstjórnar Samfylkingar og íhaldsins um ríkisábyrgð á IceSave skuldbindingunum hefur ekkert gildi. Svona yfirlýsing er marklaus ef hún styðst ekki við meirihluta á Alþingi og aldrei var látið á það reyna. Þeir komu því ekki í verk frekar en mörgu öðru.
Nú geysast flokksgæðingarnir fram með stórkallalegar yfirlýsingar algerlega órökstuddar og reyna að hræða þjóðina og þingmenn til fylgislags.
Ég skora á þingmenn að fylgja sannfæringu sinni í þessu máli og láta ekki hræða sig með marklausum yfirlýsingum.
Fellum frumvarpið um ríkisábyrgð.
![]() |
Strandi Icesave, strandar allt |
Tilkynna um óviðeigandi tengingu við frétt |
hvað segir Eiður Guðnason við þessu ?
23.6.2009 | 12:37
Skildi hann telja þetta enn eitt pólitíska útspilið ?
![]() |
Icesave málið fari fyrir dóm |
Tilkynna um óviðeigandi tengingu við frétt |
Þöggun
16.6.2009 | 16:12
![]() |
Einleikur forseta á bjöllu |
Tilkynna um óviðeigandi tengingu við frétt |
Misnotar forsetinn vald sitt
16.6.2009 | 14:38
![]() |
Bjölluspil í þingsal |
Tilkynna um óviðeigandi tengingu við frétt |