Össur... ég sem hélt að þér væri treystandi

Svo heyrir maður af því að þú byrjaðir að blaðra óábyrgt.  Orð þín í meðfylgjandi viðtali voru þýdd og send út til Bretlands.   Bresk stjórnvöld brugðust ekki strax við, kannski vegna þess að þetta varst nú bara þú sem talaðir og kannski vegna þess að þeir vildu fá svona alvarleg tíðindi staðfest á fleiri stöðum áður en gripið væri til laga gegn hryðjuverkum.

Síða kemur Davíð Oddsson og tekur af öll tvímæli um að hér eigi aðeins að slá skjaldborg um íslenska sparifjáreigendur.   Auðvitað skyldu stjórnvöld í Bretlandi þetta eins og það er sagt, það eru íslenskir sparifjáreigendur en ekki breskir sem verið er að vernda og þegar seðlabankastjóri staðfestir orð iðnaðarráðherra þarf varla frekari vitnana við.

Össur þú getur kastað skít í Guðna, en óbyrgt tal þitt og síðar Davíðs hefur kostað þjóðina hundruð milljarða og nú skil ég hversvegna starfandi formaður hefur ekkert um brotthvarf Davíðs úr Seðlabankanum að gera.   Þú ert að vernda rassinn á sjálfum þér enda samsekur um landráð.

Hlustið á viðtalið sérstaklega frá milli 3 og 4 mínútu þar sem hann talar af fullkomnu ábyrgðarleysi aðeins um íslenska sparifjáreigendur.

Össur farðu nú frá

http://mbl.is/mm/frettir/sjonvarp/20305/

Hr. Iðnaðarráðherra

Kæri Össur

 Ég heyrði í fréttum í morgun að starfandi formaður Samfylkingarinnar Ágúst Ólafur vill að við látum hryðjuverkamanninn í Seðlabankanum taka pokann sinn.   Ég hef lengi haft efasemdir um að Davíð Oddsson sé fær um að stjórna efnahagsmálum þjóðarinnar.   Nú þegar vinir okkar á Bretlandi hafa gripið laga um aðgerðir gegn hryðjuverkastarfssemi til að bregðast við Seðlabankastjóranum er mig farið að gruna sterklega að ég hafi bara haft rétt fyrir mér.  Það styrkir mig svo enn í trúnni að varaformaður Samfylkingarinnar sem er leiðtogi flokksins í fjarveru formanns er sama sinnis.  Einu sinni sagði leiðtogi jafnaðarmanna um Seðlabankastjóra að hann væri haldin víðtækri vanþekkingu á efnahagsmálum, ég held að það eigi sérlega vel við þann sem nú situr í brúnni á þeim bæ.

Það vekur upp hjá mér vonir um að nú berji Samfylkingin í ríkisstjórnarborðið og losi þjóðina við Davíð Oddsson.  Þannig unnum við framsóknarmenn í ríkisstjórn við fylgdum formanninum okkar að málum.  Það er annars þannig í Samfylkingunni i að varaformaður er varamaður formanns er það ekki?   Og að varaformaður er helsti talsmaður flokksins út á við í fjarveru formanns?  Endilega leiðréttu mig ef ég hef eitthvað misskilið það.

Vonandi fylgir þú eftir stefnu formannsins og flokksins á ríkisstjórnarfundi í dag og lætur kné fylgja kviði.  Við getum ekki reiknað með að Sjálfstæðisflokkurinn láti Davíð fara.   Þeir hafa haft hann sem hjáguð í mörg undanfarin ár og þannig brotið 1 boðorð þjóðkirkjunnar.   Það hefur reyndar fækkað svolítið í henni, þjóðkirkjunni,  en samt held ég að það sé ekki í samræmi við fjölda Sjálfstæðismanna.  Svo að þeir hafa tekið upp villutrú og því mikilvægt að þú og aðrir ráðherrar standi nú vörð um grunngildi samfélagsins og stöðvið þessa villutrú.

Ég er reyndar að hissa á að biskupinn skuli ekki hafa gert eitthvað í málin, en ég treysti því nú að þú fylgir formanninum þínum að málum og gerir eitthvað í málinu.

kveðja

þinn vinur

G. Vald.

 

Lokum sjoppunni

Það er ljóst að þráhyggja íhaldsins við að viðurkenna staðreyndir eins og stöðu krónunnar hefur kostað samfélagið milljarðatugi.   Björn Bjarnason lýsti eftir rökum fyrir því að hafa hér ekki krónu.

Ef að Björn sér ekki ljósið í núverandi ástandi þar sem pund kostar 410 krónur, evra 320, dollar 235 og dönsk króna 43 þá þýðir ekkert að rökræða við hann.

Davíð Oddsson hefur haft gjaldeyri á útsölu í tvo daga með engum árangri.  Björn Bjarnason kom undan borði  og gelti í gærkvöldi þegar húsbóndinn hafði talað.   Það stendur upp á Sjálfstæðisflokkinn að koma með lausnir.  Ekki okkur hin sem bendum á lausnir. 

Það er komin tími til að loka sjoppunni og selja Valhöll.

Ekki hægt að halda gengi föstu

Er þetta krónan sem Davíð hrósaði í gær ?

Samkvæmt vef svissneska viðskiptabankans UBS er pundið komið í 410 krónur. Þar kostar evran 320 krónur og danska krónan er jafnvirði 43 íslenskra króna. Dollarinn er þar metinn á heilar 235 krónur.

Á sama tíma selja ríkis- og viðskiptabankarnir á Íslandi evruna í kringum 195 krónur. Hið fasta gengi seðlabankans þar sem evran er á 131 krónu virðist því ekki eiga sér stoð í þeim viðskiptum sem eiga sér stað með krónuna á Íslandi, í Evrópu og um allan heim. Á viðskiptavef Forbes er evran sögð kosta 265 krónur og í Seðlabanki Evrópu er krónan í 197 gagnvart evrunni.

Misræmið í viðskiptum með krónuna er því orðið gífurlegt. Ljóst er að erlendir aðilar eru búnir að missa traust á gjaldmiðlinum.

Er ekki komin tími til að Seðlabankastjóri komi niður á jörðina, skrifi uppsagnarbréfið og farið austur í bústað.  Viðtalið hans í gær er að virka svipað og þegar Geir fór að sofa á sunnudaginn, allt komið í bál og brand.  Og svo kallar hann sig slökkvilið !!!!!!!!!!!!!!

Ekki slökkviliðstjórinn á Íslandi.

Davíð og stjórnarmennirnir Halldór og Hannes trúa á frjálsan markað og engin afskipti.    Það er ekkert gaman að slökkva eldinn fyrr en húsið logar frá kjallara og uppúr.... bíðum aðeins og kennum aðilum vinnumarkaðarins um.  (það var nýja línan í Kastjljósi)

http://gvald.blog.is/blog/gvald/entry/665756

Vaxtalækkanir víða um heim

Geir klúðrar enn

http://gvald.blog.is/blog/gvald/entry/665756

Blaðamannafundi frestað

Stjórnmálamaður eða Seðlabankastjóri.

Seðlabankastjóri var í athyglisverðu viðtali í sjónvarpinu gær.   Hann koma fram og sagði á mannamáli hvaða hugsun lægi að baki þeim aðgerðum sem gripið hefur verið til.  Þetta er auðvitað eitthvað sem stjórnmálamenn hefðu átt að vera búnir að gera fyrr.   Þarna kom í ljós hvað Geir Haarde er langt frá því að fara í skóna hans Davíðs sem stjórnmálamaður.

Það var samt ýmislegt sem gerði mig hugsi eftir þetta viðtal.  Davíð Oddsson talaði í líkingum um slökkvilið og brennuvarga.  Hann sagðist hafa varað við brennuvörgunum fyrir 12 mánuðum síðan.  Ef slökkviliðsmaður finnur brunalykt og heyrir í reykskynjara í 12 mánuði án þess að aðhafast getur hann varla gert ráð fyrir að þegar hann loksins mætir til slökkva eldinn séu bara eintóm húrra hróp.

Ef Davíð hafði áhyggjur af umsvifum bankana hversvegna voru stjórntæki Seðlabanka til að draga úr umsvifum þeirra ekki notuð?  Hversvegna var bindiskylda bankana ekki aukin til að draga úr fjármagni í umferð og hefta þá í hömlulausri útrás?

Hegðan Davíðs í gær var nánast ekkert rædd í Kastljósinu, hann komst mjög ódýrt frá því öllu saman.  En því má líkja við að hann hafi sprautað á eld með bensín í slöngunni í stað vatns.  Davíð talar persónulega við sendiherra Rússa um lánveitingu.  Hann hirðir ekkert um að leita staðfestinga á orðum sendiherrans, hann ber fréttatilkynningu bankans ekki undir sendiherrann áður en hún er send út.   Davíð, eflaust í sigurvímu yfir láninu, festir gengið við vísitöluna 175 við opnun markaða. Klukka 10:55 gefur Seðlabankinn út vísitöluna 182, í gærkvöldi stærði Davíð sig af því að vísitalan væri 200 og taldi það árangur.  Sigmar auðvitað nikkaði og meðtók stóra sannleikan gagnrýnislaust.

Vinnubrögð Davíðs gengu frá öllu trausti á bankann og er það staðfest í fréttum í morgun þar sem fram kemur að það er 94% munur á raungengi krónu í dag og óskhyggju Seðlabankastjóra.   Svo reynir hann að bera það á borð fyrir þjóðina að krónan sé hluti af lausn vandans.  Gjaldmiðill sem verður varla gjaldgengur utan Íslands næstu árin.

Seppi Davíðs Björn Bjarnason stekkur fram og geltir í gærkvöldi eftir að húsbóndinn hafði talað og lýsti eftir nýjum rökum þeirra sem telja daga krónunnar talda.  Ég skal koma með ein einföld rök. Eftir aðgerðir fjármálaeftirlits verður fákeppni á Íslenskum bankamarkaði og nauðsynlegt að fjölga starfandi bönkum á Íslandi.   Krónan hefur verið sá þröskuldur sem hefur komið í ver fyrir innkomu  erlenda banka á markað héri og nú verður hún að víkja.

Munurinn á Geir og Davíð kristallast í ástandinu í augnablikinu.  Geir boðar blaðamannafund, sennilega til tala Geirskýrt við þjóðina.  Nú er fundinum frestað og allir mæna hver á annan og spyrja hvað er nú að gerast?   Geir er einkar laginn við að skapa óróa og óvissu, uppnám og vanlíðan hjá fólki.   Geir hefur sagt þjóðinni ósatt ítrekað undanfarið og ætlast svo til að honum sé trúað þess á milli.  

Hann eins og Davíð verða að axla ábyrgð á stöðunni þegar um hægist.

Var fréttatilkynninga Seðlabanka röng?

Hver skyldi nú vera yfir seðlabankasjtóri, las hann ekki jafn afdrifaríka fréttatilkynningu eins og tilkynningu um 700 milljarða króna lán?     Hvaða gloríur þarf Davíð að gera svo að Geir láti hann fara?

Er eitthvað traust eftir til þessara manna?

Davíð skilaðu inn uppsögninni núna.

Seðlabankastjóri: Viðræður standa yfir við Rússa

Bíddu bíddu bíddu

Var gengið ekki fest í morgun?   Er Seðlabankinn svo handónýtt ankeri að það bara rekur í sama horfið aftur í 3 tímum?   Eru nýju stjórnendurnir hjá Glitni sem eru á launum hjá mér og þér að hlunnfara almenning með því að skrá gengið eitthvað annað en Seðlabankinn gaf út í morgun?

Þarf frekari vitnana við, umsókn um aðild að EB og myntbandalaginu er nauðsynleg aðgerð til þess að skapa hér stöðugleika.   Ef Sjálfstæðisflokkurinn getur ekki handstýrt genginu verandi allt um kring í Seðlabanka og ríkisbanka er ekki til neins að halda lengur í krónuna.  

Vefur Seðlabankans liggur niðri

told you so

Vek bara athygli á því að sl. vor benti Guðni Águstsson á þennan möguleika þegar ríkisstjórnin hafði fengið heimild til lántöku frá Alþingi.   Þá töldu Geir og Davíð enga ástæðu til að hlusta á Brúnastaðabóndann.   Þeir hefðu kannski betur gert það?

Seðlabankinn fær lán frá Rússlandi